“ينفع اوقف علاج الضغط انا باخده بقالي سنة وضغطي بقا مظبوط؟”
كتبت وفاء سليمان محمد 👇
“ينفع اوقف علاج الضغط انا باخده بقالي سنة وضغطي بقا مظبوط؟” ، كتير من مرض الضغط بيميلوا إنهم يوقفوا ادوية الضغط من غير رجوع للدكتور خصوصا لو ضغطهم كان مظبوط فترة لكن خلينى اقولك ان مينفعش تماما مريض الضغط يوقف العلاج من نفسه لي؟
توقيف علاج الضغط وسحبه ممكن يعرضك لخطر كبير جدا زي تفاقم الذبحة ده غير اعراض زي سرعة ضربات القلب وان ضغطك يرجع يزيد بشكل كبير تاني خصوصا لو ماشي على beta blocker زي concor , Bistol , inderal طب ده بيحصل ازاي ؟
نتيجة انك مشيت على الادوية دي الجسم بيتعود على ان قفل مستقبلات معينة فمبجرد انك تبطل الادوية دي بشكل مفاجئ المستقبلات دي بتشتغل كلها مرة واحدة ..طب هل ده معناه اني مينفعش اوقف دوا الضغط خالص ؟
سحب و توقيف دوا الضغط ممكن لكن لو بتاخد دوا واحد وبجرعة قليلة ومظبط وزنك ومش بتدخن ولو متوافر الشروط دي بيكون ليه ستراتيجية معينة فيتم سحبه بشكل تدريجي بخفض الجرعات على 7 ايام ومتابعة الضغط خلال الايام دي
دمتم_سالمين
